ސްޕެނިޝް ލީގުގައި މިހާތަނަށް ހުރިހާ މެޗަކުން މޮޅުވަމުން އައި ބާސެލޯނާ، ރޭ ކުޅުނު މެޗުގައި އޮސަސޫނާ އަތުން 4-2 އިން ބަލިވެއްޖެއެވެ.
މިއާއެކު ބާސެލޯނާގެ ހަތް މެޗުގެ މޮޅުވުމުގެ ރެކޯޑަށް ނިމުމެއް އައިސްފައިވެއެވެ.
މެޗުގައި އޮސަސޫނާގެ ފަރާތުން އަންޓޭ ބުޑިމީރް ދެ ލަނޑު ޖެހިއެވެ. އޭގެ އިތުރުން ބްރަޔާން ޒަރަގޯޒާ އާއި އަބެލް ބެރެޓޯނޭސް ވެސް ލަނޑު ޖަހައިފައިވެއެވެ. ބާސެލޯނާގެ ފަރާތުން ޕައު ވިކްޓޯ އާއި ލަމީން ޔަމާލް ލަނޑު ޖެހިއެވެ.
މި ބަލިވުމާއެކު، ބާސެލޯނާއަށް ރެއާލް މެޑްރިޑްގެ ރެކޯޑާ ހަމަކުރުމުގެ ފުރުސަތު ގެއްލިފައިވެއެވެ. ބާސެލޯނާގެ ކޯޗު ހަންސީ ފްލިކް ވަނީ ބަލިވުމުގެ ޒިންމާ އޭނާ ފުރިހަމައަށް ނަގާ ކަމަށް ބުނެފައެވެފައެވެ.
މި ވަގުތު ބާސެލޯނާ އޮތީ ހަތަރު ޕޮއިންޓުގެ ލީޑަކާއެކު ކުރީގައެވެ. ނަމަވެސް މިރޭ އެތުލެޓިކޯ އަތުން މޮޅުވެއްޖެނަމަ، ރެއާލް މެޑްރިޑަށް ބާސެލޯނާއާ އެއް ޕޮއިންޓަށް ގާތްކުރެވޭނެއެވެ.
