ޖަރުމަނު ބުންޑެސްލީގާގައި ބަޔާން މިއުނިކުން ޔޫނިއަން ބާލިން 3-0 އިން ބަލިކޮށް، ލީގުގެ އެއްވަނައިގައި ތިން ޕޮއިންޓުގެ ލީޑެއް ހޯދައިފި އެވެ.
ބަޔާން މިހާރު އެއްވަނައިގައި އޮތީ ނުވަ މެޗުން 23 ޕޮއިންޓާ އެކު އެވެ.
ރޭގެ މެޗުގައި ބަޔާނަށް ލީޑުނަގައިދިނީ ހެރީ ކޭންގެ ޕެނަލްޓީންނެވެ. ކިންގްސްލީ ކޯމަން ފުރަތަމަ ހާފު ނިމުމުގެ ކުރިން ދެވަނަ ގޯލު ޖެހި އެވެ. ކޭން ވަނީ ދެވަނަ ހާފުގައި އިތުރު ލަނޑެއް ޖަހައި ބަޔާނަށް ތިން ޕޮއިންޓް ޔަގީންކޮށްދީފަ އެވެ.
ދެވަނައިގައި އޮތް އާރްބީ ލައިޕްޒިގު ވަނީ ބޮރޫޝިއާ ޑޯޓްމަންޑާ ދެކޮޅަށް 2-1 އިން ބަލިވެފަ އެވެ. ލައިޕްޒިގަށް ވަނީ ނުވަ މެޗުން 20 ޕޮއިންޓް ލިބިފަ އެވެ. ތިންވަނައިގައި އޮތް އައިންޓްރަކްޓް ފްރޭންކްފާޓަށް ނުވަ މެޗުން ވަނީ 17 ޕޮއިންޓް ލިބިފަ އެވެ.
ހަތަރެއްގައި އޮތް އެންމެ ފަހުގެ ޗެމްޕިއަން، ލެވަކޫސަން އާއި ފަސްވަނައިގައި އޮތް ޑޯޓްމަންޑަށް ވަނީ ނުވަ މެޗުން 16 ޕޮއިންޓް ލިބިފަ އެވެ. ޑޯޓްމަންޑުން ރޭގެ މެޗުގައި ވަނީ ލައިޕްޒިގު ކައިރީ މޮޅަށް ކުޅެ ނަތީޖާ ނެރެފަ އެވެ.
