![](https://outreach.mv/storage/d/VPUyb6MoTc9yiLPXZBPrPGEUaBkLfeg7aKFIyvEP.jpeg)
ބަދިގެ: އާދައިގެ ޕާން ތައްޔަަރުކުރާނެގޮތް
މިއަހަރުގެ ރޯދަމަހަކީ އެހެން އަހަރުތަކާ ހިލާފަށް، ހަރަދު ކުޑަކޮށް، ކެއްކުމަށް ބޭނުންވާ ބައެއްތަކެތި ލިބުމުގައި ދަތިތަކާއި ކުރިމަތިލާން ޖެހިފައިވާ ރޯދަމަހެކެވެ.
![](https://outreach.mv/storage/ads//SQSAKkifcz5tKHw5mbGVrW4168t7gCrYdglMlTKB.jpeg)
މިފަދަ ދަނޑިވަޅެއްގައި ގޭގައި ހުރި އެއްޗެހި ބޭނުންކޮށްގެން ތައްޔާރު ކޮށްލެވޭ ކާނާއެއް ހެދުމަށް އެންމެންވެސް ސަމާލުކަންދޭނެއެވެ. އެގޮތުން ޕާނަކީވެސް ފަސޭހައިން ހެދޭނެ ބާވަތެކެވެ.
އާދައިގެ ޕާން ހެދުމަށް ބޭނުންވާ ތަކެތި:
- މޭޒުމަތީ ސަމްސަލެއްގެ ޑްރައި އީސްޓް
- އާދައިގެ ތައްޓެއްގެ ހޫނު ފެން
- އާދައިގެ ތިންތަށި ފުށް
- މޭޒުމަތީ ސަމްސަލެއްގެ ހަކުރު
- ސައި ސަމްސަލެއްގެ ލޮނު
- މޭޒުމަތީ ސަމްސަލެއްގެ ތެޔޮ
ޕާން ހަދާނެގޮތް:
- ހޫނު ފެނުގެ ތެރެއަށް އެއްތަށި ފުށާއި، އީސްޓް އަދި ހަކުރު ކޮޅު އަޅާލުމަށްފަހު 20 މިނެޓު ބަހައްޓާނީއެވެ.
- ބާކީ ދެ ތަށި ފުށަށް ލޮނުކޮޅު އަޅާލުމަށްފަހު ކުރިން ތައްޔާރުކުރި އީސްޓް މިކްސްޗާ އާއި ފުށްކޮޅު އެއްކޮލާނީއެވެ.
- އޭގެފަހުގައި، ތެޔޮކޮޅު އަޅާލުމަށްފަހު ފުށްގަނޑު މަޑުވަންދެން މޮޑެލާނީއެވެ.
- މޮޑުނު ފުށްގަނޑު އެއްގަޑީރާއި ދެގަޑީރާ ދެމެދުގެ ވަގުތަކަށް ވައި ތެތްފޮތިގަނޑެއްގައި ބަނދުކޮށްލާފައި ބަހައްޓާނީއެވެ.
- ފުށްގަނޑު ތެތްފޮތިގަނޑުގައި ގާތްގަނޑަކަށް ދެ ގަޑީރު ބޭއްވުމަށްފަހުގައި، ވައި ބޭރިނުވާހެން 40 މިނެޓުވަރު ބޭއްވުމުގެ ކުރިން މިނެޓެއްހާއިރަށް މޮޑެލަން ވާނެއެވެ.
- 40 މިނެޓުފަހުން، ފުށްގަނޑު ފިހަން ލުމުގެ ކުރިން ބިހެއް ގިރާލުމަށްފަހު މަތީގައި އުނގުޅާލުން ރަނގަޅެވެ.
- އެންމެފަހުން އަވަން ހޫނުވުމުން، 15 މިނެޓާއި 20 މިނެޓާއި ދެމެދުގެ ވަގުތަކަށް 180 ޑިގްރީގައި ޕާން ފުށްގަނޑު ފިހެލާނީއެވެ.
- ޕާން ފިހެވުމުން، އަވަނުން ނެގުމަށްފަހު ތުވާއްޔަކުން ބަނދު ކޮށްލާފާ ބޭއްވުމުން ގިނައިރު ވަންދެން ހަރުނުވެ އޮންނާނެއެވެ.